Kraleprag by Paarl Aandtak

Die Leefstyl en Naaldwerk-komitee van Paarl Aandtak het onlangs 'n interessante spreker en demonstrasie aangebied.

Sharon Wilson van Wemmershoek doen al 10 jaar lank kralewerk, 'n aktiwiteit wat sy oorspronklik begin het as terapie vir rumatoide artritis. Van die inryg van krale het sy gevorder na "off-loom beading", waar elke kraal afsonderlik met gare geheg word. Sy gebruik hoofsaaklik Japannese silinderkrale, saadkrale, Swarovski-kristalle en gepoleerde krale wat sy invoer.

Haar praatjie het gehandel oor die geskiedenis van kralewerk deur die eeue en die kulturele en godsdienstige betekenis van kralewerk op 'n gemeenskap.

Pragtige kersversierings, gemaak deur haar, is vertoon en te koop aangebied. Sharon Wilson het 'n huiswinkel waar sy ingevoerde krale verkoop en sy bied ook klasse aan.

Stella Mullineux, Una Engelbrecht (sameroeper), Lina Prinsloo, Sharon Wilson (spreker), Amarie le Roux.