Kom gesels saam . . .

9/1/2011 6:49:04 AM #

Baie Dankie vir die pragtige fotos van Kongres. Voel asof ek self daar was. Kan net nie hulle hoor nie!

June Smit

9/1/2011 9:57:17 AM #

Hi Natania, baie dankie vir die pragtige foto-oorsig van kongres, dit laat mens amper alweer terugverlang na Villiersdorp.  Ek sien ek het 'n naamsverandering ondergaan, hopelik sal jy dit kan regstel.  Ons is beslis bevoorreg om soveel knap vroue in ons organisasie te hê, van hoofbestuur tot elke lid op elke dorp in ons pragtige land.  Ons het ook sprekers van formaat gehad by kongres en dan nog die knap blomme- en koshande wat vir niks teruggestaan het nie!

Sterkte aan SWD-sirkel wat nou begin met hulle beplanning vir 2012.  Met so 'n voortreflike vrou soos ons president aan die voorpunt, kan dit net suksesvol wees.

'n Heerlike lentedag aan almal, mag ons sommer elke dag lentedag vier hierdie September!

Groetnis

Lorraine du Toit

9/3/2011 3:11:47 AM #

Dankie Natania, ek waardeer... was bang ek het Alzheimers!! Geniet julle dag daar in die Vriendelike Stad!!

Lorraine du Toit

9/8/2011 9:26:40 PM #

Baie dankie vir die prag foto's van die kongres - wow, vir een wat nie daar was nie, laat dit heel 'tuis' voel.  
Ek soek net die nuutste inligting oor die voorskrifte vir H&H en web foto's.  Kyk ek op verkeerde plekke?!

Annalise Loubser

9/9/2011 9:52:09 AM #

Victoria-wes ek voel saam met julle oor die afsterwe van mev. Kwarta Nel. Sy is npersoonlike vriendin van baie jare terwyl ons mans albei op die N.W.K.V. gedien het. Haar humorsin sal my altyd  by bly. Julle verloor voorwaar n  groot gees. Sterkte ook aan Willem en die kinders.
Groete en sterkte.
Annette Deyzel

Annette Deyzel

9/10/2011 5:15:09 AM #

Hi Antoinette van Jamestown,
Die artikel oor die blikkie wat oorgetrek word met plastiek, klink vreeslik interessant. Kan jy nie asb 'n foto of 2 vir ons stuur nie. Wil dit ook graag doen.
Dankie.
Marietjie Albrecht
Panorama

Marietjie Albrecht

9/12/2011 12:59:36 AM #

Baie dankie vir die pragtige kongres-foto's! My hart was vanjaar baie seer, want ek was afgevaardig, maar moes toe onverwags 2 groot operasies ondergaan. Die uiteindelike afgevaardigde het dit egter baie geniet - en ek kon nou darem die foto's geniet DANKIE aan almal - ook aan Natania wat ons webwerf so op datum hou dat ons op hoogte kan bly!!!!!

I.v.m. die blikkie-foto: Sal DV Woensdag een probeer neem by ons takverg en dit vir die webwerf deurstuur.

Antoinette van Pletzen

9/14/2011 10:42:13 AM #

Marietjie Albrecht!
Hallo uit die Karoo. Was jy weer by kongres? Ek het aan julle almal gedink. Wonder sommer hoe dit gaan met ons Kaapse vriendinne? Ons hier in Williston kan nie kla nie... heerlik om lekker jong lede by VLV te kry. En hulle is sommer lus vir alles wat ons wil doen en wil deelneem aan al die kompetisies ens.
En aan Marinda van die Paarl: Sien jul weer Oktober.. ons is hard aan die vleis verwerk.. trek al by so amper 10 000 sosaties(van die beplande 16 000!!). Lekker skaaptjop-groete uit die beste skaapwêreld in die land.

salome louw

9/15/2011 8:54:38 AM #

Wat 'n lekkerte is VLV nie!  Loop vanmiddag by die Agri Mega Expo in Bredasdorp tussen die stalletjies toe iemand my voorkeer en sê: "Ek ken jou!"  Voorwaar, 'n VLV-vriendin wat by kongres was en my herken!  Was só lekker om met 'n "vreemdeling" te gesels asof ons ou vriendinne is! Dís wat VLV so lekker maak... wens net die "jong" vroue wil dit ook so insien en nie so onbetrokke bly nie.

Was ook Maandag in Hartenbos en toe ek verby die saal ry, dink ek reeds hoe lekker ons volgende jaar gaan kuier!  Sterkte aan almal in die SWD-sirkel vir julle voorbereiding en reëlings - dit voel nou of dit nog so ver is, maar o weë, dit snel teen die spoed van lig verby en voor julle julle ogies uitvee, is ons daar!!

Lorraine du Toit

9/22/2011 6:15:48 AM #

Ons hier in Kuruman is behoorlik deur die rooi-erdwurm gier omgeboul! Almal wil net wurmtee brou! Ek het vandag 'n plastieksak met 'n paar handevol wurm/grond/komposmengsel gekry, dit uitgegooi in 'n skottel en is nou soos 'n broeishen elke 10 minute terug by my broeisel om te kyk of hulle gelukkig is! As daar ander gesoute wurmboere is kan julle gerus blog, dat ons nog slimmer kan word.
Tot later... hierdie outjies gaan my besig hou, ek is net te 'n betrokke ouer!!!

Petro Spangenberg

9/29/2011 2:06:00 AM #

Hi Antionette van Jamestown,
Dankie vir die foto op die WW van die blikke, wil graag weet of jy nie duideliker riglyne vir ons kan gee nie, ons het dit probeer en nie juis sukses gehad nie!!  Watter grootte blikke kan gebruik word en hoe groot moet die plastiekbottel wees, moet die plastiek net pas (is maar dom) help tog ASB!  

Sunel van Rensburg

9/29/2011 7:18:36 AM #

Ek was ongelukkig in die hospitaal toe Mariana hierdie blikkie by ons takverg gedemonstreer het. Die blikkie wat ek as geskenk gekry het is 'n 250g koffieblik, en die bottel MOET 'n plastiese 2 liter bottel (NIE 1.5 liter) wees. Maar kontak MARIANA VAN PLETZEN gerus direk by mariana@nokwi.co.za.

Antoinette van Pletzen

9/30/2011 9:49:13 PM #

Dankie Antionette, sal so maak, sterkte met jou gesondheid.

Sunel van Rensburg