Posted on
05 October 2011
Portefeulje: Landbou en Tuinbou
Beriggewer: Ann Meyer
Datum van gebeurlikheid: 21/09/11
Die dames van Vredenburg het besluit om bome te gaan aanplant by die KARITAS Skool. Die skool is vir kinders wat nie 'n gewone skool kan bywoon nie.
Die skool bestaan uit 152 leerlinge, die skoolhoof asook 10 onderwysers en 'n arbeidsterapeut. Die groter kinders word geleer om artikels te maak met herwinbare produkte. Die ouderdomsgroep van die kinders wissel van 6 tot 18 jaar. Sommige kinders gaan werk by winkels as pakkers.
Ons het 2 Waterbessiebome en 4 Palmbome geplant en van die kinders het gehelp om die 6 bome in die grond te kry.
2 Leerders van KARITAS Skool plant 'n Waterbessieboom.
Nog 'n leerder is besig om 'n boom te plant, terwyl Ann Meyer die boom vashou en die skoolhoof, mnr. Erasmus, toekyk. Agter staan Susan v.d Merwe, Marieta Coetzee en Naomie Loftus.