Verslag saamgestel deur Hermien van Zyl.

 

 

Doel van die projek:

In 2010 het die Hoofbestuur van VLVK hulle bereid verklaar om saam te werk met ander vroue-organisasies ten einde die toenemende armoede in Suid-Afrika aan te spreek. Daar is ook besluit dat armoedeverligting vanaf 2011 – 2013 die Projek sou wees van die VLV, in ooreenstemming met die SAVLU se oproep.

 

Vir die insamelingspoging tydens VLVK se jaarkongres in die Overberg is daar op die naam “Tekkies & Tuck” besluit. Dit sou dan ook die VLVK-armoedeprojek vir die volgende paar jaar inlui. Bykomend tot die stapels tekkies, nie-bederfbare voedsel, klere, beddegoed en selfs gordyne wat deur die amper 300 kongresgangers uit al die uithoeke van Kaapland na Kongres gebring is, het Pep Stores R5000.00 se geskenkbewyse aan VLVK geskenk. Nà Kongres is dit saam met kongresbydraes aan hulpbehoewendes in die Overberg versprei, soos deur die Hoofbestuur van VLV besluit.

 

Werkswyse:

Elke tak in Kaapland is versoek om onbederfbare produkte en tekkies saam met hulle afgevaardigde na die VLVK se jaarkongres in die Overberg te bring. Die reaksie was ongelooflik, en die vier vrugtekratte wat gereël is vir die ontvangs van die artikels, was spoedig te klein. Nà die verdaging van Kongres het ‘n paar van die lede die artikels gesorteer. Alle onnodige verpakking is verwyder – die pare tekkies is bv. uit hul dose gehaal en in deurskynende plastieksakkies verpak – en geblikte produkte is volgens soort gesorteer, sodat die tien volgepakte kratte in ‘n plaasstoor geberg kon word.

 

Daarna het die agt takke in die Overberg self reëlings getref om die artikels te kom haal en in hulle gemeenskappe te versprei. Elke dorp se behoeftes het verskil, want in die Overberg is takke wat hoofsaaklik uit boervroue bestaan, of vissersgemeenskappe of gewone dorpsmense. Daar is dus besluit dat die takke volgens behoefte sal neem van die bydraes en dan in samewerking met die ACVV, Badisa en ander welsynsorganisasies dit sal uitdeel.

 

 Die R5000.00 bydrae van Pep Stores het bestaan uit 20 X R250.00 geskenkbewyse. Vooraf opnames by die skole in die area het gewys watter groot behoefte daar bestaan aan basiese skryfbehoeftes veral in die preprimêre fase en daar is besluit dat diè skenking na die skole sal gaan.

 

Alles is met groot dankbaarheid ontvang, soos die talle bedankingsbriewe getuig. Omdat aan armoede soms ‘n stigma kleef, is daar met groot omsigtigheid uitgedeel en oorhandig. Daarom is daar slegs foto’s geneem van skoolhoofde en welsynsamptenare.

Evaluering:

Dis altyd makliker om agterna te dink wat ‘n mens anders kon doen of hoe dit hanteer moes word, want enige projek van hierdie aard het maar ‘n paar pyne. Maar die dankbaarheid wat spreek uit die briewe van instansies wat dit ontvang het, maak al die logistieke probleme die moeite werd. Dalk was dit ook goed vir ons VLV-mense om betrokke te raak by dié vir wie die “dice” in die laaste dekade nie reg geval het nie.

 

Die oorweldigende reaksie van VLV-lede uit alle uithoeke van Kaapland was ‘n groot verrassing – soveel so dat ons effens onkant gevang is deur die massa goed wat ontvang, gesorteer en versprei moes word. Daarby het  van die takke die breiblokke vir die Kansa-kombersieprojek saam ingepak by die “Tekkies & Tuck”-bydraes, en het dit sortering bemoeilik. Daar kon dus nie genoeg vooraf beplanning deur sirkel Overberg gedoen word hoe om die skenkings te verdeel sodat elke tak hulle deel onmiddellik nà Kongres kon verwyder nie.

 

Die sortering is dus eers nà verdaging van Kongres gedoen. Die ongewone warm weer tydens die laaste paar dae van Kongres was maar net die voorloper van ‘n koue front en sortering is onder moeilike omstandighede gedoen met ‘n stormwind wat stof opwaai en reën wat dreig. Die artikels moes in kratte op ‘n oop lorrie na ‘n naburige plaas vervoer word om te stoor en dit het behels dat ‘n vurkhyser moes kom sodat alles voor die reën afgelewer kon word. Daarna is reëlings getref dat die takke hulle goed op die plaas kom haal, nadat daar vooraf ‘n tyd met die boer ooreengekom is.

 

Hier het ons ook weer besef hoe het VLV-lede verouder. Die fisiese krag ontbreek om swaar items soos kartonne met blikkieskos te dra, en daar is nie altyd toegang tot werkers wat beskikbaar is om te help nie. Dis iets wat ons toenemend in gedagte moet hou. Een van die takke het ongelukkig te lank getalm om vir hulle van die goed te kom haal, en dit wat tòè oor was, was nie meer die moeite werd om voor te ry nie. Hulle is egter vergoed met ekstra geskenkbewyse van Pep Stores.

 

Lg. skenking was ‘n wonderlike toevoeging tot VLVK se projek, en ook ‘n maklike manier om waarde daaraan toe te voeg. Om R5000.00 tussen agt takke te verdeel klink miskien asof elkeen maar min kry, maar omdat die koopbewyse aan die skole oorhandig is, kon die onderwysers verantwoordelikheid neem en klasvoorraad daarmee aankoop: vir R500.00 (2 X R250.00 geskenkbewyse) kan ‘n GR 1-onderwyseres ‘n hele paar kryte koop!

 

Daar kan nog baie hieroor gesê word, maar die grootste waarde van hierdie “Tekkies & Tuck”-projek lê in die ongelooflike mate waarin VLV-lede hulle harte en hande oop gemaak het vir verarmde mense en hulle laat beleef het, daar is nog mense wat omgee.

 

• Die volledige Kongresnotule en verslag van die WBPV & VLVK Projekte kan vanuit DOWNLOADS afgelaai word.
• Die vorms vir Kunste & Handvlyt kompetisies - Kongres 2014 is ook onder DOWNLOADS beskikbaar.

 

Pragtige proteas om die kongresgangers te verwelkom.

 

 

 

  

 

 

 

 

 

Hoofbestuur, netjies gestewel en gespoor by Kongres 2011.

 

 

VIVA, dit was vrolike musiek en talentvolle kunstenaars!

 

 

 

VLVK President, Erika Lubbe, verwelkom almal by Kongres.

 

 

VLVK-erepresident, Ronella Rademeyer steek 'n kers aan.

 

 

 

Johan Ehlers, Hoof Uitvoerende Beampte van Agri-Expo lewer die openingsrede: Bou 'n Brug!

 

 

Dr. Semane Molotlegi, WBPV-areapresident van Suider Afrika-area.

 

 

Porchia Adams, Korporatiewe kommunikasiebestuurder van Agri Wes-Kaap bring 'n groeteboodskap.

 

 

Aandagtig word daar gesluister.

 

 

Argitek Gawie en dr. Gwen Fagan, VLVK se Dankie-persone vir 2011, saam met Hermien van Zyl en Erika Lubbe.

 

 

Lindie Strydom van Solidariteit Helpende Hand praat met kongresgangers oor Armoede in SA - bou 'n brug!

 

 

Vol afwagting vir die vingerete en diploma-oorhandiging in die Eureka-saal, Villiersdorp.

 

 

Pragtige vrugtesnywerk van Peggy van Druten.

 

 

Smullekker vingerete.

 

 

Beoordelaars - 'n iedere en elke een. Almal wat die beoordelaarskursus suksesvol afgelê het, saam met die dames van die VLVK beoordelaarspaneel.

 

 

Die pragtige handewerk van Erna Visser.

 

 

Erika, Mariana Rabie van Agri-Expo (VLVK-Boerderyvennoot beoordelaar), Lucia Dorfling (VLVK-boerderyvennoot van die Jaar) en Lenie Fourie (naaswenner).

 

 

Blombederf vir die Beoordelaarspaneel.

 

 

Kultuuraand! Sybil Morkel was verantwoordelik vir die blomme in die kerk.

 

 

ZAMAR in aksie.

 

 

 

 

Ferdi Ungerer spoke about the cultivation of Sharon Fruit/Persimmons.

 

 

Magdie de Kock het gesels oor Wesfalia (Kongresborg) Advokado olie.

 

 

Dr. René Rust aan die woord oor San Kuns.

 

 

Talentvolle kunstenaars vermaak kongresgangers. Marané Roux word begelei deur Rita Louw.

 

 

Ronell Herselman het Martelize Brink bedank vir haar toespraak oor hoe 'n mens 'n brug kan bou, TEN SPYTE van. . .

 

 

Elnette du Toit van KANSA het gekom om die breiblokke by Ronell Herselman in ontvangs te neem. 18 118 breiblokke kon aan KANSA oorhandig word. Welgedaan lede, welgedaan!

 

 

Marlene le Roux, dinamiese gasspreker aan die woord.

 

 

Blomme in die Skousaal is versorg deur Erna Visser, Elize Jacobs, Judine Botha en Christelle Griesel.

Kaaimansgat Boerdery was die blomborg.

 

 

 

 

 

 

Jeff Milne en Louis van As het die Bruid se Jaar met vlytige blomhande afgesluit.

 

 

 

 

  

 

Boereorkes-vrolikheid tydens die kuieraand.

 

 

Heydi Kruger, Graham Lippert en Harry Peters vermaak kongres met 'n dwarsfluit en twee klassieke kitare.

 

 

Mev. Marietjie Freislich het gepraat oor die ontvolking van plattelandse skole.

 

 

 

Agter elke VLV-vrou staan daar 'n VLV-man! Dannas Lubbe lyk baie ingenome met sy voortreflike vrou!

 

 

Lorraine du Toit het Overberg se President, Hermien van Zyl, met 'n ruiker blomme bedank.

 

 

 

En so lyk 'n wenspan! Dit is die dames van Sirkel Overberg wat Kongres 2011 met groot sukses aangebied het.

 

 

VLVK se twee voorste vroue, President Erika Lubbe en Karien van Schalkwyk, VLVK-visepresident.

 

 

Keurige eetgoed voor almal die langpad aandurf.

 

 

'n Krans is gelê op die graf van Maria Stofberg.

 

 

Erika, Lorraine en Karien.................VLVK se 82ste Kongres het tot 'n einde gekom.

Dr Semane Molotlegi, the Queen Mother of the Bafokeng and our ACWW Area President, ons geagte VLVK-president, VLVK-erepresident, ander eregaste en kongresgangers.........

 

Ter verduideliking: Sedert 1995 benoem die Vroue-Landbouvereniging van Kaapland jaarliks ‘n Dankie-persoon. Die eerste ontvanger was die Afrikaanse skrywer Alba Bouwer vir Jeuglektuur.

 

Om te kwalifiseer as ‘n VLVK Dankie-persoon moet jy iemand wees wat ‘n besondere bydrae gelewer het op ‘n sekere lewens- of werksterrein. As mens kyk na enkele van die persone wat reeds op hierdie wyse vereer is, soos Chris du Toit vir sy bydrae tot georganiseerde landbou, ds Solly Ozrovech vir Christelike lektuur, Coenie de Villiers vir Afrikaanse musiek, om maar ‘n paar te noem, dan is Gawie & Gwen Fagan in goeie geselskap.

 

Die Vroue-Landbouvereniging van Kaapland huldig hierdie twee mense vandag vir hulle bydrae om die argitektuur  in Suid-Afrika te help bewaar, en ook uit te bou. Ja, ons sê dankie vir Kerkstraat in Tulbagh, vir Bo-Radyn en Dagbreek op Villiersdorp, vir genl. Smuts se geboortehuis op Riebeek-Wes, vir Leeuwendal en die Kasteel in Kaapstad, maar ons sê ook dankie vir die vermoë tot bewusmaking van bewaring wat hierdie twee mense het. Daar is baie mense wat goeie werk vir die bewaring van ons argitektoniese erfenis doen, maar daar is bitter min wat die vermoë van Gawie & Gwen Fagan besit om die algemene publiek te laat regop sit oor bewaring. Reeds toe hulle in 1969 die Kerkstraatprojek in Tulbagh nà die verwoestende aardbewing aangepak het, het hulle die publiek se verbeelding aangegryp. Baanbrekerswerk is immers gedoen met die konsep om ‘n hele straataansig te bewaar. Sedertdien beweeg Gawie en Gwen Fagan in die kollig van bewaring, alhoewel hy as argitek ook bekend is vir die moderne ontwerp van geboue as hy opdrag kry daarvoor, want hy het hierdie filosofie dat ons nie net moet stilstaan by Victoriana nie.

 

Geen restourasieprojek kan egter wetenskaplik aangepak word sonder die nodige navorsing nie en daarin is Gawie Fagan aktief bygestaan deur sy vrou Gwen, ‘n mediese dokter, met wie hy in 1949 getroud is. Hy is die eerste om te erken dat haar historiese navorsing ‘n enorme bydrae gelewer het tot sy sukses. Op plaaslike sowel as sentrale regeringsvlak word die kundigheid van hierdie twee mense as gesaghebbend aanvaar en hulle word dikwels wyd geraadpleeg en daar word van hulle besondere diens gebruik gemaak.

 

Gabriël Theron Fagan is op 15 November 1925 in Rondebosch gebore, die seun van die skrywer H. A. Fagan. Nadat hy sy argitekstudies aan die Universiteit van  Pretoria voltooi het, stel Volkskas hom in 1952 aan en vir 12 jaar ontwerp hy bankgeboue voordat hy in 1964 met sy eie praktyk in Kaapstad begin.

 

Hierdie toekenning vandag van VLVK is maar een van baie waarmee Gawie en Gwen Fagan al vereer is. Saam met Gwen ontvang hy in 1973 ‘n goue medalje van die Raad van Nasionale Gedenkwaardighede en in 1975 een van die Suid-Afrikaanse Akademie vir Wetenskap en Kuns. In 1979 ontvang hy die Cape Times Centenary Award en in 1982 die goue medalje  van die Stigting Simon van der Stel wat gevolg word deur nog een van die Instituut van Suid-Afrikaanse Argitekte in 1988 en erelidmaatskap vir Gwen van die ISAA in 1991. Verdere erkenning volg in 1998 toe ISAA hom vereer met die Toekenning vir Voortreflikheid vir die SAB se Besoekersentrum  in Kaapstad. Op ‘n gevorderde ouderdom behaal hy in 1991 ‘n doktorsgraad in die argitektuur aan die Vrystaatse Universiteit in Bloemfontein

 

Sy belangstelling in seiljag is gekoppel aan die suksesverhaal van die Kaap-na-Rio wedvaart in 1982 en die oorvleueling van watersport met argitektuur het in die vroeë 80er jare gelei tot die ontwikkeling van die V&A Waterfront in Kaapstad, die toeristebestemming wat die meeste besoek word in Suid-Afrika. ‘n Bykomende belangstelling in fotografie lei tot sy betrokkenheid by die publikasie van die boeke, “Church Street in the land of Waveren” en “Roses at the Cape of Good Hope” deur sy vrou Gwen Fagan. Haar belangstelling lei tot die bewaring en dokumentasie van ou rose en die oprig van erfenistuine soos diè op Boschendal, ook een van die Fagans se groot restourasiepogings.

 

Doktor Gawie en dokter Gwen, ek weet dis eintlik hoe ons julle moet aanspreek, maar met julle nederigheid maak julle julself toeganklik vir Jan en Alleman. Dit maak dat ons gewone mense oplet na wat julle doen. Dit het VLVK se Hoofbestuur wat hierdie aanbeveling gedoen, en die besluit geneem het, ook raakgesien, en vandag oorhandig ek dan namens die Vroue-Landbouvereniging van Kaapland aan julle diè Dankie- toekenning met al ons lede se waardering vir julle bydrae om ons Suid-Afrikaanse argitektuur te bewaar en uit te bou.

 

Hermien van Zyl

Die verslag van VLVK President, Erika Lubbe, soos voorgelê tydens Kongres 2011 kan afgelaai word vanuit DOWNLOADS.

Kyk 'n bietjie waar ons Kongres hou by die Skousaal in Villiersdorp.

 

 

 

 

 

 

 

 

 

 

 

MOEG gewerk!

VLVK kan nou ook op jou lessenaar pryk! Die 2012 lessenaarkalender sal by Kongres beskikbaar wees teen ‘n skrale R50 elk.

Daar word slegs 300 kalenders gedruk, so maak seker dat jy of jou tak se afgevaardigde heel eerste by die VLVK Skryfbehoeftestalletjie gaan draai maak om een vir jou op te raap! 

 

Kliek op die skakel om te sien hoe die kalender lyk.

Lessenaarkalender.pdf (792.72 kb)

KONGRESBORGE

Agri-Expo

ABSA 

 

Checkers

 

 

 

OVK

 

 

 

Westfalia Avokado-olie

 

 

Overberg Agri

 

 

 

Nedbank Besigheidsbank

 

 

 

 

Pannar-Saad

 

 

 

 

Theewaterskloof Munisipaliteit

 

 

 

ENB se Landbou-afdeling in die Overbergstreek

 

 

 

Agri Wes-Kaap

 

 

 

Die Burger

 

 

 

Villiersdorpse Round Tablers

 

 

 

 

APL Cartons

 

 

 

 

SAB Maltings

 

 

 

Caledon Toyota & Villiersdorp Automark

  

 

 

Kaaimansgat Boerdery

 

 

Villiersdorp Koöperasie

 

 

 

 

 

Villiersdorp skoukomitee 

 

 

Oak Valley Flowers

 

 

Gansbaai OK Foods

 

 

Betco Vrugteverpakkers

 

 

 

Ina Paarman

 

 

Spar, Wes-Kaap

 

 

Two a Day

 

 

 

 

Molteno Brothers

 

 

 

Baie dankie aan:

• SCOT (South Cape Ostrich Tanning) en Via la Moda
• Caledon Spa
• Walker Bay Spiceworks
• Elgin Agrimark, Kaap Agri
• Stettyn Kelders

 

 

 

 

 

 

 

 

 

 

 

 

Die sakelys vir Kongres 2011 kan vanuit Downloads afgelaai word.

 

Foto’s word VOOR in die Skousaal, langs die verhoog, geneem.

 

 Jumbo-grootte foto’s: R15 – posgeld ingesluit
 Groepfoto’s – A5-grootte: R25 – posgeld ingesluit
 CD: R60 – posgeld ingesluit
 Kontant met bestelling en die bestellings sal na kongres uitgevoer word.

 

Elke sirkel/groep se tydgleuf vir die neem van foto’s is as volg:

 

Dinsdagoggend:
• 9:00 vir 9:15 – Overberg,
• 9:15 vir 9:30 – Sirkel Paarl
• 9:30 vir 9:45 – Sirkel Kaapstad
• 9:45 vir 10:00 – Sirkel Worcester
• 10:00 vir 10:15  – Tygerberg
• 10:15 vir 10:30 – Hoofbestuur
• 10:30 vir 10:45 – SWD
• 10:45 vir 11:00 – Namakwaland
• 11:00 vir 11:15 – Cradock

 

Dinsdag tydens die amptelike tee:
Suid-Karoo, Weskus, NWK, NOK

 

Woensdagoggend, 10:35 – 11:00:
Noord-Karoo, SOK en Middelland

 

Woensdagmiddag, 13:00 – 14:00:
Kimberley en Distrik, Griekwaland-Wes, Kalahari

 

 

STALLETJIES

• CLF (Christelike Lektuurfonds): God se Kinders – Desmond Tutu
  
• Overbergse Kontreiboeke – SD Fourie
  
• Westfalia se avokado-olie
  
• Bredasdorpse kerse
  
• Villiersdorpse wyn, druiwesap, appels, rosyntjies en persimmons
  
• Helderstroom Alpakkas se produkte
  
• CORE-Merino klere
  
• Handwerk, gebak & gebottel uit Sirkel Overberg
  
• Sirkel Tygerberg
  
• Rame en ander artikels uit herwonne hout
  
• VLVK-skryfbehoeftes, VLVK-voorskote, VLVK-lisensiehouers, Handleidings, VLVK-lessenaaralmanak vir 2012, ens.
  
• By die VLVK-skryfbehoeftestalletjie is: Landzicht-wyn spesiaal gebottel vir VLVK, met die mooiste Jubileumhuis wynetikette op, te koop as ekstra inkomste vir Huis en Haard
  
• Juweel se pêrels

En nog veel meer! Kaartfasiliteite beskikbaar vir betaling.

 

 

 

300 bottels wyn met Jubileumhuis op die etiket is spesiaal deur GWK vir VLVK gebottel.

 

BAIE DANKIE GWK!