Posted on
15 June 2011
Datum: 14 Junie 2011
Beriggewer: Jackie Barnardt
Die dames van Willowmore tak het vandag die rekenaar by die horings gepak en opleiding gekry. Die Baviaans Munisipaliteit se Departement van Gemeenskapsdienste bied deurlopend rekenaarklasse aan vir die gemeenskap. Dit vind plaas by die Hillview Biblioteek.
Die amptenare verantwoordelik vir die opleiding is Conan Maart en Nicky Barnard. Die Munisipaliteit het al die rekenaars gekoop vir die sentrum en as student het jy toegang tot die Internet.
“Wireless” Internet sal binnekort beskikbaar wees in die hele Baviaans-area. Dit is ‘n projek in samewerking met Cacadu Distrik Munisipaliteit. Die hoofdoel is dat almal toegang tot die Internet kan kry. Hieroor is almal baie opgewonde.
Annatjie du Preez het vir die eerste keer haar hande op ‘n rekenaar gelê. Volgens haar was dit ‘n ongelooflike ervaring, maar sy het behoorlik gesweet! Dit was wonderlik om van die dienste gebruik te kon maak en ons het beslis baie geleer.
Voor: Anneke Lötter, Annatjie du Preez, Susan Lennox
Agter: Conan Maart