Christel Viljoen het vir ons nuus gestuur oor Jongensklip tak se bootrit op die Kleinrivier.

Sondagmiddag, 21 Februarie, het 40 Jongensklip-lede (darem mans ingesluit) op ‘n heerlike bootrit gegaan. Die”platters” was gepak met die allerheerlikste eetgoed soos net hierdie boervrouens kan en die mans het gesorg vir die “coolbags” en glase. Die bootrit was vir sommiges aan die begin maar vreesaanjaend, maar toe ons eers die water tref, was die vrese verby!  Jonk, oud, kranklik , selfs 2 swanger mammas en ‘n klein babatjie, was aan boord en dit kon net nie lekkerder gaan nie!!

Die doel van die uitstappie was om ons VLV lede se mans te bederf en dankie te sê vir al die opofferinge wat hulle soms moet maak, sodat ons 100% kan gee vir VLV.  Verlede jaar het ons hulle bederf met ‘n heerlike Steak-aand!

Sowaar ‘n dag en uitstappie wat ons almal geniet het. Ek dink die mans gaan dit ‘n jaarlikse instelling wil maak!!!

 Van die manne was braaf en het die rivier aangedurf op binnebande!

Jongensklip se Bestuur 2010

Voorsitter:  Madeleine du Toit
Visevoorsitter:  Corrie Fourie
Sekretaresse:  Sonette de Kock
Tesourier:  Elbe Fourie

Sameroepers:
Kunste en Handvlyt:  Christel Viljoen
Opvoeding en Kultuur:  Alena Steenkamp
Openbare Sake:  Annelie Swart
Landbou en Tuinbou:  Saret du Toit
Leefstyl:  Corrie Fourie
Gesondheid:  Hezanne Viljoen

Vonkelvrou: Marietha Groenewald

Agter: Madeleine du Toit, Sonette de Kock, Hezanne Viljoen, Saret du Toit, Corrie Fourie, Christel Viljoen
Middel: Elbe Fourie, Annelie Swart, Voor: Alena Steenkamp

Donderdag 18 Februarie, almal het geweet iets gaan gebeur by hierdie VLV vergadering. Ons is gesê om gemaklik aan te trek... en dis al.

Met groot verwagtinge en effense senuwees, het die dames vir die middag-vergadering opgedaag. Op die tafels was daar vir elk ‘n lang tou met ‘n klokkie aan die punt, en vir ekstra versiering, ‘n blaartjie of kraletjie, blommetjie en so aan - nie dat dit regtig iets weggegee het nie.

Die vergadering is formeel geopen en belangrike onderwerpe is bespreek, maar  ‘n effense spanning het in die lug gehang, met die vraag van die tou-klokkies op die tafel wat onopgelos gebly het. Uiteindelik is ons Kuns en Handvlyt sameroeper, Helaan Malan, aan die word, en die groot raaisel is uiteindelik ontbloot – Belly Dancing!
Helaan het verduidelik wat die oorsprong van Belly Dancing is, en dat die invloede nie werklik so negatief en suggestief is soos wat ons vandag aanneem nie. Die voordele van Belly Dancing is ook vanselfsprekend – ‘n gesonde oefening vir vrouens van enige ouderdom en gewig, en natuurlik selfvertroue.

Die dag was egter nie om na die praatjie nie, nee, dit was tyd vir elke vrou om haar klokkie-tou om haar lyf te bind en te wys wat in haar steek! En dit was seker ‘n hoogtepunt vir Sutherland VLV. . . ‘n paar vrouens (met die hulp van ‘n DVD) wat hulle heupe en arms swaai, met diepe konsentrasie op hulle gesigte.

Dit was definitief ‘n eerste vir Sutherland se kerksaal! So sê Jolene du Plessis, skakelbeampte van Sutherland Tak.

 'n Klokkie vir elkeen

Helaan demonstreer 

 So maak mens

Skaterlag

Dr. C. Pienaar, plastiese en rekonstruktiewe chirurg het met VLV Velddrif se openingsvergadering, op 18 Februarie, die dames in vervoering gehad. Die baie aantreklike dokter het vir ons kom vertel van sy werk as verteenwoordiger van "operation smile South Africa". Die organisasie gaan help minderbevoorregte kinders en volwassenes, met gesplete verhemeltes en lippe reg oor Afrika. Daar word derduisende kindertjies se lewens verbeter binne net 45 minute.

Hy het natuurlik ook ‘n klein bietjie oor plastiese snykunde gepraat , maar gelukkig het VLV Velddrif sulke pragtige dames, dat ons dit glad nie nodig het nie, sê Suzanne Wessels, wat die bydrae gelewer het.

Gina en Estelle, saam met die dokter wat almal help "smile"

Komitee 2010

AGTER: Cornelia Marais (Leefstyl), Louise Jacobs (Openbare sake), Jackie Coetzee (Tesourier), Sinnie Koeglenberg (Leefstyl), Estelle de Koker (Gesondheid), Lynette Visser (Kunste en Handvlyt).
VOOR: Vera Winterbach (Landbou en Tuinbou, Vise voorsitter), Gina Smit (Voorsitter), Melinda Thiart (Sekretaresse)

Annemarie Skibbe skryf. . .

Strand VLV tak het 'n Valentine’s aand gehou op 12 Februarie. Dit was 'n baie gesellige en mooi aand. Die tafels is pragtig versier en die drie minnesangers het die aand luisterryk vervrolik.  Daar was soos bekend heerlik geëet en gesellig verkeer. Die wins het na die ACVV gegaan. Ons tak het tans 130 lede en oud en ouer werk ywerig en met 'n baie mooi gesindheid saam.

Op die eerste foto kan van die tafelversierings gesien word. Een van die sangers het in Susan Alberts se oor gesing (oor die luidspreker) en ons almal het gehoor! 
 

Gilian Schoonees, Callie Skibbe en Christine Nolte was van die gaste wat die aand baie geniet het.

Hier sing nog een van die sangers 'n liefdeslied en Judy de Klerk, in die agtergrond, geniet dit terdeë. 

Die bekende sielkundige, dr. S.T. Potgieter, was gasspreker tydens Goodwood Tak se Opvoedingsvergadering. Hy het die lede gemotiveer vir die nuwe jaar en gepraat oor keuses. Die gehalte van ons lewens hang net af van die keuses wat ons maak. Hy beveel ook aan dat jy moet opstaan vir jouself, want God het nie marionette geskape nie. Elkeen is ‘n mens in eie reg. 

Joey Redelinghuys en dr. Potgieter staan met ‘n sleutel wat, figuurlik gesproke, gebruik moet word om deure vir jouself oop te sluit.  

Alet Colyn

Leona Pienaar, gasspreker tydens Murraysburg se eerste vergadering van die jaar , het verskeie soorte kameras gewys. Alhoewel die digitale kameras fotografie vir die leek baie vergemaklik het, word die beste professionele foto’s nog steeds geneem met kameras wat film gebruik. Dit is natuurlik tensy ‘n mens die heel nuutste en duurste digitale kameras kan bekostig.  Die voordele van die digitale kamera is legio.  Wanneer dit op outomaties gestel is, hoef jy jou oor niks te bekommer nie. Vir die neem van kunsfoto’s behoort ‘n mens egter van die kamera se verskillende hulpfunksies gebruik te maak.

 
Sy het ‘n paar praktiese wenke vir die amateur fotograaf gegee.  Die horison behoort óf in die boonste derde van die foto te wees, indien die voorgrond dit regverdig, óf in die onderste derde van die foto, as daar ‘n besondere agtergrond is. Die fokuspunt moet nooit in die middel van die foto wees nie. Die foto sal meer treffend vertoon indien dit na die kant geskuif word.   Dit is goed om af te buk tot op dieselfde hoogte as dié van die objek,  bv. ‘n kind, aangesien die kind se kop andersins in verhouding met sy lyf té groot sal wees. Dit is beter om so na as moontlik aan jou objek te kom, eerder as om van die zoom-funksie gebruik te maak. Die beste tyd vir die neem van foto’s is vroegoggend of in die laat namiddag. Groepfoto’s behoort nooit met ‘n wit muur as agtergrond geneem te word nie. Dit is beter om jou foto’s eerder in natuurlike sonlig te neem as om van die flits gebruik te maak.

 
Leona het met behulp van haar skootrekenaar en die program Photoshop vir die lede gewys hoe foto’s na willekeur gemanipuleer kan word.  Selfs die diepste plooie kan met ‘n bietjie geduld weggetoor kan word.  Die vetrolletjies is egter moeiliker om te laat verdwyn!  Sy het verskeie dames geïnspireer om met Photoshop te eksperimenteer. Na dese behoort Murraysburg se dames uitstekende fotograwe te wees.

 
Wilna Pienaar, sameroepster van Kuns & Handvlyt, het prakties bewys dat ‘n mens met ‘n bietjie  moeite en baie kreatiwiteit die oulikste geskenke vir Valentynsdag kan maak. Dit is glad nie nodig om baie geld uit te gee om duur geskenke te koop nie. Minder is beslis meer, aldus Mette Kromhout, wat die bydrae uit Murraysburg gestuur het.

 Wilma Pienaar

Elise Snyman het uit Orania laat weet, dat hulle tak aldaar met groot entoesiasme uitsien na die nuwe VLV-jaar.

Orania tak is op ‘n reënerige dag in Desember 2008 gestig en hul eerste bestuur is einde Januarie 2009 gekies. Twintig entoesiastiese dames het die vergadering in die ouditorium op Orania bygewoon en dit waarna so lank uitgesien is, het ‘n werklikheid geword - VLV tak Orania!

Die eerste Konferensie in Britstown op 11 & 12 Maart ’09 was ‘n vuurdoop wat Orania-lede met onderskeiding geslaag het. Alhoewel lede net 6 weke gehad het om voor te berei, is daar met groot belangstelling en ywer weggespring. Die tak ontvang die skild vir hoogste puntetal, asook die skild vir beste kwaliteit! Uit die 12 plekke wat lede verower het, was 6 eerste plekke. Ook met Kongres ontvang Orania 3 pryse.

Vergaderings is vol hoogtepunte en praktiese aanbiedinge. Lede het gesien hoe ‘n basiese skondeeg vir 6 verskillende geregte gebruik kan word. Daar is geleer hoe om met sjokolade te werk en Griekse geregte te maak. Selfs onkruid en insekdoders het onder die loep gekom, toe Efecto dames ingelig het oor hul uitgebreide reeks produkte. Daar word ook op ‘n maandelikse basis aan kompetisies deelgeneem, beoordeel deur Rika Kirsten.

Elke lid bring haar eie teekoppie na vergaderings en gasvroue sorg vir keurige tee en versnaperinge na afloop van elke samekoms. Elke lid kry ‘n beurt om tydens vergadering aan die res van die lede bekendgestel te word, want so leer ‘n mens mekaar ken. ‘n Leuse en wenk, maandeliks deur ‘n lid gegee, sorg vir goeie en verrykende raad. Tydens die laaste vergadering word pryse aan suksesvolle dames vir tak-, sirkel- en streekskompetisies uitgedeel.

Die tak het ‘n Tuissorg Projek en lede is fluks besig met kniekombersies en bedsokkies vir die dorp se Versorgingseenheid. Een lid het ook aan die VLVK/Vrouekeur Entrepreneurskompetisie deelgeneem.

Ledetal het vanaf stigting tot hede gegroei van 20 tot 27. Die eerste jaar is agter die blad en almal sien uit na nog meer idees, nuwe kennis en natuurlik ‘n groeiende ledetal, in die jare wat voorlê.

Almal wat teenwoordig was met die stigtingsvergadering.

 Elise Snyman besig met 'n sjokolade demonstrasie.

Marinda le Grange en Sandra Nolte. (Marinda is die dame wat verlede jaar 'n 1ste plek op Kongres gekry het!!)

We invited Riekert Botha and his beautiful wife, Pippa, to come and share the message of Love and relationships, on the 13th Feb 2010, here in Springbok. 

Riekert Botha is a young minister from Vredendal, who has a modern and humouristic edge, in the manner of getting his message across.  He is also a guest-speaker on RSG.  And he definitely had his audience captivated throughout.….

When you are walking in a park or through a mall, have you ever noticed the couples around you, how many of them still walk hand-in-hand?

When last have you said “I love you” to your wife, your husband, your mom and dad or even to your friend? My mom always said to me that it just wasn’t proper to do such things in “her day”.

In a society and world like today, we so dearly want to raise our children to be respectful and well mannered.  Our sons to respect their partners and all women in their lives.  We want to teach our children all about forgiveness.  But how can we do that, when we ourselves find it difficult to ask for forgiveness, especially when we have done something wrong?

It’s so hard to say the words:  “I’m sorry…..Please forgive me….My ego and pride got the better of me”.

In a relationship, there has to be communication between both parties.  A method of reciprocation and compromise.  Making sacrifices without complaint or expectations.  And above all else, allowing the Lord Jesus Christ to live in both your hearts.  And where Christ is….there is unconditional Love!

All the guests were greeted with a cool refreshment before the sermon.  And after the sermon, the guests could chat with Riekert over a cup of tea or coffee.  His books on “Verhoudings” were on sale.  Guests could buy them and have them personally autographed.  The ladies of VLV Springbok each provided scrumptious and tasty pastries and snacks, enough for all the guests to feast on while waiting to get a word in (and even a photograph) with Riekert.

Eirene Hoving

 A humorous moment. . .

Babs Holtzhauzen, Ina Wielbach, Riekert Botha, Pippa Botha, Drienie Visser, Sonja Jordaan, Eirene Hoving.  Below- Juliana Fourie, Charlene van Zyl & Heidi Stone

 Delicious pastries & snacks

Graafwater se lede het tydens die Kunste en Handvlyt vergadering bewys hoe kreatief hulle is. Die mooiste en interessantste houtkruise het te voorskyn gekom. Selfs die 4 jarige Christiaan Coetzee, het onder leiding van sy ouma, Erna, sy slag gewys.

VLV Graafwater spog ook met drie nuwe lede, Carol Loubser, Erna Coetzee en Sandra Nieuwoudt.

Acqua se eerste byeenkoms van die jaar is altyd ‘n gulde geleentheid om die VLV, studierigtings en werksaamhede onder oë te neem. Of jy nou ‘n nuwe, voornemende of jarre-lange lid is, dit is altyd goed om ingelig te wees of selfs net herinner te word aan hoe sake in die VLV in mekaar steek. 

Gisteraand, die Maand-van-die-Liefde se 2de Dinsdagaand, het meer as 70 vriendinne en hul gaste die King Edward Hotel in PE betrek om ingelig te word, te kuier en ‘n weersiens van epidermiese proporsies uit te pak! Dit was die eerste van elf maandelikse kuiertjies wat ononderhandelbaar heel bo aan elke Acqua-lid se lys van bederf-dinge vir haarself bly. Wederhelftes, nasate en troeteldiere kan mos net baat vind by ‘n ingeligte, vervulde en ontspanne Eva in hul lewens.

Acqua vriendinne weet ook al om al die estrogeen-draers in hulle wêreld, wat nog nie VLV-lede is nie, te vertel van watter uitmuntende geleentheid die VLV jou bied om jou verwysingsraamwerk te verbreed en persoonlik te groei. Party moet nou wel meer as een keer gevra word, so ‘n mens moet maar aanhou nooi as jy met die eerste nooislag nie sukses gehad het nie. Die uitnodiging moet ook met groot entoesiasme gerig word, want wie wil nou saam na ‘n plek wat effentjies klink? Gelukkig is Acqua alles behalwe effentjies!

In elk geval, g’n vrou wat haar sout werd is, is té besig of té traag om ‘n kans op stimulerende samesyn te laat verbygaan nie. Van die 12 gaste wat hulle eerste kennismaking met VLV en Acqua se dinamiese vriendekring beleef het, het 8 terstond hulle ledevorms ingevul en is die tak nou net 9 lede kort van ‘n magiese honderdtal. ‘n Uitstekende begin vir die nuwe jaar.

NS

Dekor vir die geleentheid was swart en wit, met krale-sokkerballe (dis mos darem 2010!) as middelplasings. Elke gas het 'n veer-hartjie by haar sitplekplasing gekry, om te onthou dat sy geliefd is in Acqua-geledere.

Vrolike samesyn! (So klomp Kwa-Kwa's kan GESELS jong)