Beriggewer: Marthie van der Westhuizen
Datum: 19 November 2011

Tydens 'n ontbyt het lede van Douglas tak hul jaar afgesluit, en daar is by die geleentheid trofeë oorhandig aan lede wat gedurende die jaar presteer het. 

LNR Juliana Bruwer - toekenning VLV lid van jaar, Linzetta Smit – voorsitster, Lettie le Roux - toekenning verskilmaker van die jaar.

Agter LNR: Mariaan du Raan  - trofeë vir  meeste punte met blomme, hekel- en breiwerk. Linzetta Smit - trofeë vir meeste punte in masjien- en borduurwerk, Rita Jacobs - trofeë vir meeste punte in handvlyt, meeste inskrywings en tweede meeste punte met kompetisies.
Voor: Annelien Swiegers - trofee meeste punte in weefwerk, Juliana Bruwer - trofeë meeste punte in gebak en preservering, Sus Jansen - trofee deel met Mariaan du Raan: hekel- en breiwerk   

Agter LNR: Dirkie Blomerus, Erna Erasmus, Mariaan du Raan, Linzetta Smit, Rita Jacobs.
Voor: Tina van Rhyn, Belinda van Heerden en Sus Jansen.
Hierdie lede het volle bywoning deur die jaar gehad.

Douglas tak het ook 'n boom geskenk!

As bydrae vir die NG Gemeente kerktuin, het die tak 'n boom geskenk en aan die twee plaaslike predikante oorhandig. 

Voor LNR: Sus Jansen, Belinda van Heerden en Anna-Mart Goussard.
Agter LNR: Ds. Frans Louw, dr. Johan van der Westhuizen, Mariaan du Raan, Juliana Bruwer, Elsie du Toit en Dirkie Blomerus.
Foto: Linzetta Smit

Beriggewer: Marthie van der Westhuizen
Portefeulje: Opvoeding & Kultuur
Datum: 9 November

Ja, dit spook in Huis Spes Bona. Douglas VLV lede trek aan die begin van die jaar 'n naam van 'n bejaarde in die plaaslike Tehuis vir Bejaardes, Huis Spes Bona, by wie sy dan deur die jaar spook. Die doel van so 'n spokie is om die senior burgers 'n bietjie te bederf met hul verjaarsdae en ook so eenkeer per maand, hul spesiaal te laat voel. Die hele jaar bespiegel die oupas en oumas wie hul spokie is, tot met die vergadering in November, waar die spokies hul dan self aan die oupas en oumas bekendmaak. Op 9 November was die groot bekendmaking, en was al wat oupa en ouma is "opgedress" om hul spook te ontmoet. Die VLV dames het vir oulaas 'n geskenkie vir hul spook oupa en ouma gegee, en die bejaardes het hul spokies verras met 'n geskenkie. Daarna is elke senior burger getrakteer met 'n pakkie kerskoekies, verversings en tee. Hierdie bly altyd 'n spesiale dag op die jaar se kalender vir die tak en die bejaardes.

Kerskoekies word uitgedeel. Martie Kotze (inwoner Huis Spes Bona), Ella Foley, Marie Jacobs, Reinette Lovemore en Bets du Raan.  

Bejaardes "opgedress" vir hul spokies.

Beriggewer: Marthie van der Westhuizen
Fotograaf: Janri Haarhoff

Datum: 5 en 6 November 2011

VLV Douglas tak, die NG Gemeente se Gasvryheid- en Spysenieringbediening, Blommeklub en Rosenheim Rose het op 5 en 6 November saamgespan om met baie rose, vrolike musiek en lekker kuier, Douglas te laat vergeet van al die sorge van elke dag. 

Die saal was gevul met kleur, geur, die pragtigste tuinrose en rangskikkings. Een van die wêreld se grootste kenners en kweker van rose, Ludwig Taschner, was die gasspreker tydens ‘n oggendtee, wat deur 180 dames bygewoon is. Sy praatjie, Rose in die Noord-Kaap, was baie insiggewend.

Die aand het 200 gaste die fees voortgesit met Sheri Brynard van Bloemfontein as motiveringspreker. Haar entoesiasme, humorsin en positiwiteit het die gehoor op hul voete gehad.

Sondagoggend is die naweek afgesluit met 'n lof- en aanbiddingsdiens.  Die sangduo, Deon de Jager en Werner de Beer, van Bloemfontein het die naweek met hul pragtige stemme afgerond.

LNR voor: Ludwig Taschner, Erika Lubbe (VLVK President) en Wally Nebbe (eienaar Rosenheim Rose).
Agter: Melana Moller (President Oranje Blomme Unie), Pamela Tascher, Mari Wilmans (Sirkelpresident Kimberley & Distrik), Marthie van der Westhuizen (voorsitter Gasvryheid- en Spysenieringbediening en organiseerder), Rieks Nebbe (eienaar Rosenheim Rose).        
   

Ludwig Taschner aan die woord.

Sheri Brynard.

Deon de Jager en Werner de Beer.

Portefeulje: Openbare Sake en Landbou & Tuinbou
Beriggewer: Linzetta Smit

Douglas se Oktober vergadering het gehandel oor Nuwe Ontwikkelinge in ons Dorp. Elsie du Toit die Openbare Sake Sameroeper stel Zelda Johnson aan die woord.

Sy is aan die stuur van sake by Outreach, gestig in Mei 2003. Zelda en haar span doen berading onder kinders, van 2 – 18 jaar. Hierdie kinders het reeds op ‘n jong ouderdom TB of Vigs, of tree op as hoof van huishoudings waar een of albei ouers aan TB of Vigs gesterf het. Hulle doen ook gemeenskapswerk in samewerking met Hospice, vanaf  2008.

Zelda het die behoefte gesien aan ‘n Kleuterskool, veral ‘n Gr R-klas. Met geldelike hulp van Eskom en grond geskenk deur die Munisipaliteit van Douglas, word begin met die bou van ‘n enkele klaskamer van 10 x 10 vierkante meter in die Midblok plakkerskamp in Breipaal. 

‘n Christen-uitreikgroep, “Eye for Others”, o.l.v. Tom van der Smit en 12 Hollanders begin op 1 Julie 2011 met die bouwerk. Hierdie weldoeners stort 1 000 euro per persoon in die projek. Hulle is verantwoordelik vir die bou en uitleg van die speelparkie.  Buurskole en die polisie plant 28 Kareebome op die skoolterrein. ‘n Watertenk is opgerig vir die voorsiening van vars water. Daar bestaan nog geen riolering of elektrisiteit nie. ‘n Groentetuin word aangelê en ‘n nasorgfasiliteit word beplan. Die skool open op 26 Oktober 2011 met 30 kinders en 1 opvoedkundige.

Sus Jansen, die sameroeper vir Landbou stel Alicia van Staden van Blommeland, ‘n plaaslike kwekery aan die woord. Sy vertel meer van haar nuwe projek:  Douglas se eie aarbeiplaas. 

6 000 aarbeiplantjies is in drie kweekhuise geplant. Sy plant drie soorte, nl. Turpan, Elan en Durben. Turpan is geskik vir konfyt. Aarbeie word eers in saailingbakkies geplant en dan in gaatjies in ‘n seil, wat oor grondwalletjies gegooi word. Aarbeie word 15 – 18 cm uitmekaar in rooigrond en kompos en riviersand geplant. Rooigrond lewer 6 – 18 aarbeie per plantjie elke derde dag. Aarbeie kry twee maal per dag water d.m.v besproeiing uit die kweekhuis se dak. Riviersand is nie ‘n goeie opsie nie, want dit hou nie water nie. Hier moet aarbeie drie maal per dag water kry. 

Die plante word gevoed deur organiese voedingstowwe, oplosbaar in water, direk op die plante te spuit. ‘n Kweekhuis lewer tussen vier en agt kilogram aarbeie per dag.  Slakke , krieke en dopluis is van die plae en siektes wat aarbeiplantjies kan vernietig. Aarbeiplantjies dra dwarsdeur die jaar en Alicia beplan om by  40 000 plantjies halt te roep!!!!

Die vergadering word afgesluit met ‘n handdoek-vou demonstrasie aangebied deur die voorsitter, en die lede het vlytig saamgevou.

Portefeuljes: Gesondheid, Leefstyl
Beriggewer: Marthie van der Westhuizen
Datum van vergadering: 23 Augustus

Magda Tesner en Dulsie Demas van die SANBS van Kimberley het Douglas tak besoek. Hul het die vergadering toegelig in verband met bloedskenking en ook daardeur 'n beroep op almal gedoen met die leuse: Skenk 'n lewe deur bloed te skenk.

SANBS is tans opsoek na toegewyde bloedskenkers en almal is gerusgestel dat dit veilig is om bloed te skenk. Daarna is die vergadering ingelig oor orgaanskenking en die prosedure wat gevolg moet word wanneer 'n persoon besluit om 'n skenker te word. Dit is baie belangrik dat so 'n persoon se familie kennis dra van sodanige besluit, en ook die nodige inligting en kontaknommers ontvang.

Dulsie Demas, Dirkie Blomerus (sameroeper gesondheid) en Magda Tesner.

Die voorsitster, mev Linzetta Smit het die vreugdevolle nuus aan die tak oorgedra dat hul by die afgelope kongres die algehele trofee ontvang het vir die meeste inskrywings op die kongres. Van die taklede het Mariaan du Raan (vyfde plek in blommekuns), Annelene Swiegers (vierde in weefwerk), Ria Badenhorst (sesde plek in hekelwerk) en Linzetta Smit (vyfde plek in borduurwerk).

Lede wie se artikels kongres toe was is

Tydens die vergadering is ook afskeid geneem van Ronelle Bornman, wat die afgelope sewe jaar sekretaresse van die tak was en aan die einde van Augustus Kaap toe verhuis.

Linzetta Smit en Ronelle Bornman.

Douglas Tak
Vergadering : 12 April
Landbou en Opvoeding
Beriggewer: Marthie van der Westhuizen

Elke week nadat die plaaslike roosplaas, Rosenheim, hul bestellings afgelewer het, het daar kortsteel rose oorgebly. Gou het een van die werkers, Atta Korasie, wat toe nog net die pragtige rose in bosse van 20 vasgebind het,  gevra of hul nie 'n plan met die kortsteel rose kan maak nie.  Die eienaar, mev Rieks Nebbe, het besluit dat hul kan probeer om kisruikers daarvan maak. Nie een van die personeel kon toe rangskik nie, en vinnig is kers opgesteek by 'n kenner, en so het Atta Korasie vinnig geleer.

Vandag kan sy, nadat sy al die bestellings bosse rose netjies verbind het, ook gemiddeld 15 kisruikers maak vir begrafnisse oor naweke. 

Mev Rieks Nebbe (eienaar van Rosenheim Rose) en Atta Korasie.

Mev Kotie Louw, werksaam vir Douglas Hospies, het die vergadering ingelig oor die oordra van TB, die behandeling en voorkoming daarvan.

Portefeuljes: Leefstyl en Openbare Sake
Beriggewer: Marthie van der Westhuizen

Met Douglas tak se vergadering op 15 Maart, het voorsitter Linzetta Smit 'n tjek aan mev. Leonie Meyer, skakelpersoon van die Helpende Hand Fonds Douglas, oorhandig. Die fondse is geoormerk vir behoeftige gesinne binne die gemeenskap. 

Mev. Marlie Visser het inligting verskaf hoe om lig te reis, om onnodige bagasie uit te skakel, sodat 'n paar nuwe kledingstukke oorsee gekoop kan word.  Mev. Annalise Heynecke het 'n kleurvolle demonstrasie gelewer hoe om vilthoedjies en viltkrale te maak vir die komende winter. Mev. Marthie van der Westhuizen het 'n tuinrangskikking om jou gaste te verwelkom, gedemonstreer. Die fokus is ook geplaas op die komende Paasfees, en elke lid het 'n paaseier, kruisie en 'n Paasgedig ontvang.  Die hoogtepunt van die dag was die viering van die tak se prestasies by die afgelope VLV Konferensie te Tadcaster. Die tak het nie net die meeste inskrywings gehad nie, maar is ook aangewys as algehele wenner van die konferensie.

 
Mev Annalise Heynecke demonstreer die maak van'n vilthoedjie.

Mev. Linzetta Smit (voorsitter van Douglas tak) oorhandig tjek aan mev. Leonie Meyer (Helpende Hand Fonds Douglas).

Trofee wenners tydens die VLV Konferensie Tadcaster. Van links: Juliana Bruwer (gebak), Linzetta Smit (voorsitter, algehele wenner trofee), Sus Jansen (breiwerk), Mariaan du Raan (hekelwerk en wisselafdeling), Petro Badenhorst (skryfkuns), Annelien Swiegers (weefwerk),  Ronel Bornman (sekretaresse: tak met beste vordering), Adelien Badenhorst (handvlyt), Adele Cilliers (taklid).

Douglas tak het weer hulle jaarlikse Kersboom-Expo aangebied.

Agter die vaandel staan Linzetta Smit - voorsitter van die Douglas tak, Erika Lubbe en Riza Coetzee van die Niekerkshoop tak, Sirkel Griekwaland-Wes. Erika en Riza het as beoordelaars opgetree.

'n Pragtige kontemporêre Kersboom, gemaak van geborduurde kruissteek Kerssimbole.

Erika en Riza by 'n Kersboom wat 'n sprokie uitbeeld: Die drie Varkies.

Op 13 Julie 2010, het Irma Joubert ‘n bekende skryfster, die Douglas VLV tak besoek. 

Irma Joubert woon buite Bloemfontein saam met haar man, Jan. Sy is ‘n afgetrede onderwyseres, en het na haar aftrede as beroepskrywer begin skryf. Sy het reeds op 18 begin skryf, en is tans besig met haar sewende boek.

Die stories wat sy vir haar boeke gebruik, kom uit die lewe self uit.  Sy sê dat sy nie haar verbeelding gebruik nie, maar die stories wat uit die lewe kom, omdat die lewe vol stories is.  “Elke mens, dorp en ding het ‘n storie.” Sy gebruik feite (stories wat sy as die waarheid aanhoor) as die raamwerk van haar boeke, en weef dan fiksie daarin. Later glo mense die fiksie.

Wanneer sy skyf, leer sy eers die karakters ken. Hul woon saam haar in die huis, en sy hoor hul praat wanneer sy onderhoude voer. Later ken sy haar karakters so goed, dat sy hul stories as die waarheid skryf.

Haar eerste twee boeke was ligte liefdesverhale oor hedendaagse mense. Hierdie boeke het sy geskryf uitsluitlik om bekend te raak, en om mense aan haar skryfstyl bekend te stel. Daarna het sy historiese liefdesverhale begin skryf. Hierdie verhale is gebaseer op verhale wat sy gehoor het, en wat sy dan haar eie gemaak het. 

Van haar boeke is:
•         Veilige hawe
•         Verbode drif
•         Ver blink die Suiderkruis
•         Tussen stasies

Haar nuwe boek, Pérsomi, kan in Oktober verwag word.

Wat 'n voorreg was dit nie, om vir Irma Joubert, as spreker te kon leer ken.  Ons hoop sy sal ons gou weer kom verras.

In die foto is Irma Joubert links, en Anneline Swiegers regs.

Woensdagaand 16 Junie het die Drie Riviere VLV Blommeklub, in samewerking met Hoërskool Douglas 'n Blomteater aangebied ter stywing van die skool se fondse. Dit was een van die koudse aande in jare, maar ten spyte van die koue wat opgekruip het teen ons bene, het die blommekunstenaar en mode ontwerper, Schalk van Dyk van Bloemfontein, op die verhoog getoor met blomme en is van sy rokke deur plaaslike modelle vertoon.
 

Die tema van die aand was PASSIE. Die tema is deur verskillende ontwerpe uitgebeeld. Die eerste ontwerpe (Skepping) beeld God se Passie om te skep uit.  Voor die skepping was alles donker - en Schalk het eerstens 'n ontwerp op 'n model se skouer gedoen met die tema, Rapsody in black. Daarna is die skeppingsdae gerangskik.
 

Mari-Loui Nortje - Rapsody in Black, in 'n bruin barrok trourok. 

Die skepping van die voels en diere en seelewe was 'n baie gewilde ontwerp by die meeste gaste van die aand.

Na die voltooiing van die ontwerpe het die modelle rokke vertoon in wit en swart (lig en duister) oranje, groen en goud met die musiek Eva in die agtergrond. 
 

Schalk het sy passie vir sy ouerhuis uitgebeeld  in sy pa, wat baie lief was vir 'n groentetuin en die kleurvolle blomme beeld sy pa as 'n vrolike en liefdevolle mens uit.  Die massa-ontwerp beeld sy ma uit - wat vir hom liefde vir blomme en die skoonheid daarvan geleer het.  Hy het ook twee gedigte voorgelees wat hy geskryf het vir hulle.
 

Hier het die modelle rokke vertoon in kleure van pienk, pers, seegroen en blou. 
 

Passie word die beste geillustreer in die liefde tussen man en vrou.  Hier is die ontwerp 'n brug, en het Schalk aan die linkerkant die man se sterk en growwer natuur uitgebeeld en aan die regterkant die vrou.  Die ontwerp is ondersteun met die musiek "Rhytm of love" en daarna het die modelle bloedrooi en maroen rokke vertoon.
   
 

Kerkvensters.  Ons moet almal streef om suiwer te leef. Ons moet 'n wit lig uit te straal in ons lewensreis elke dag.  Dit kan ook 'n verskil in ons gemeenskap en verhoudings meebring.  Na die voltooiing van die ontwerp het lede van die verskillende kerke, verenigings, organisasies en skole in die gemeenskap 'n kers opgesteek, as simboliek om 'n verskil/lig uit te straal daar waar ons betrokke is.  Hierna het die modelle wit en ivoor trourokke vertoon.

Om die aand as 'n dankbetuiging af te sluit, is 'n stomp op 'n model se skouers geplaas, en met een van die plaaslike sangers, Johan Nel, wat You raise me up, sing, is die rangskikking voltooi.
 

Na al die lekkerte van ontwerpe wat voltooi word, mooi musiek en die vertoon van pragtige rokke, is heerlik verder gekuier rondom sop, brood en heerlike truffels.  'n Luukse aand, met luukse kreatiwiteit.   
 

Modelle v.l.n.r Suzaan Germishuys, Megan Innis Grant, Mariolette Gerber, Marthie van der Westhuizen (organiseerder en voorsitster van Drie Riviere VLV Blommeklub) Marie-Loui Nortje, Schalk van Dyk (Blomkunstenaar en mode ontwerper), Mone Haarhoff, San-Mari Gous, Elzaan van den Heever en Maritza Gerber.