'n Oorkonde van dank (asook eetgoed) is aan die plaaslike poskantoor se personeel oorhandig. 

Jamestown VLV is BAIE trots op Philna van Pletzen wat 4de gekom het uit die hele Kaapland in 'n opstelkompetisie met die tema  "Dit het met my gebeur".

Antoinette van Pletzen help tans die kurator van die Jamestown Museumom die museum 'n bietjie op te kikker, en sy het daarvan verslag gelewer. Sy ontvang geldelike hulp van die VLV en die Landbouvereniging daarvoor. Antoinette het ook die nuwe hospitaaltariewe van Jamestown se hospitaal bekendgemaak en vertel van die nuwe ambulansdiens op Aliwal-Noord wat oor die dienste van 'n vliegtuig beskik.

Gerrie Upton en Hilda v/d Walt het gesamentlik 'n Leefstyl program aangebied. Wenke vir komende sirkelkompetisies is gegee. Daarna kon almal wat nog nie kan hekel nie (of al vergeet het hoe!), wol en 'n naald neem en onder leiding van die ander handiges hierdie ontspannende handvaardigheid aanleer. Al die "leerlinge" is toe geïnspireer om blokke te hekel waarmee 'n latere kombers gevorm gaan word!

Jamestown se Posmeester Seithati Shasha, en Edward Lumatha - wat al 32 jaar by die poskantoor op Jamestown werksaam is.

Van links Ilse van Vuuren (sekretaresse), Christell Venter (Openbare Sake-saamroeper), Seithati Shasha (posmeester), Edward Lumatha (wat al 32 jaar by die poskantoor op Jamestown werksaam is), en Hilda v/d Walt (voorsitter).

Philna van Pletzen

Antoinette van Pletzen

Hilda v/d Walt was verantwoordelik vir ‘n Leefstyl program, propvol wenke t.o.v. vlg jaar se VLV-kompetisies. Patrone en wenke vir die maak van gebreide poppies is met lede gedeel. ‘n Ander kompetisie is Dollaswerk, wat ontstaan het a.g.v. ou gordyne en lakens wat geskif het. Die “goeie dele”  is dan weer herbenut deur los lappies op ongebleikte linne vas te werk. Verskillende teksture en patrone is ‘n móét! LW: Vilt is nie ‘n materiaal nie. Lede het geleer hoe om sjokolade blare en skrif vir versiering op koeke, te maak. Lede is ook gewys hoe ‘n “elementlose” ketel lyk. Gerrie Upton het haar “Mini Doughnut”-masjien gedemonstreer en daar is ook geproe aan die 2 nuwe geure in Marie beskuitjies, nl. Karamel en Cappucino. Stork se 2 veelsydige Cremendous-produkte is bekendgestel, asook tamatiepasta in pakkies, “Choc Chips”, Indiese speserye met tamatieblokkies, asook nuwe geure in jellie en koue poedings. Antoinette van Pletzen het ‘n Bio-was-bal wat saam met wasgoed in die wasmasjien geplaas word, gedemonstreer. Die nie-toksiese plastiekbal is gevul met keramiekgruis en geen wasmiddels word verder bygevoeg nie. Dit is besonder ekonomies, eko-vriendelik, hypo-allergenies, antibakterieel, versag water, en bevat geen chemikalieë wat materiale kan beskadig nie. Dit verminder ook erosie van die wasmasjien. Wanneer nie in gebruik, kan die bal in die yskas/vrieskas geplaas word om reuke te absorbeer!

Algemene wenke het die vlg. Ingesluit:

Piesangs moet 1-1 gebêre word – dan word hulle stadiger ryp, en om die draderigheid te voorkom, moet piesangs van die “stomp” kant af afgeskil word.

Sit ‘n koppie water in die mikrogolfoond saam met pannekoek en muffins om dit te verwarm en keer sodoende dat dit uitdroog.

Asyn kan op baie maniere gebruik word, o.a. om vensters te was met ½ brandspiritus en ½ asyn.’n Stoof kan weer met ‘n mengsel van ½ asyn en ½ water skoongemaak word.

‘n Knippie Boraks in die wasmasjien maak wit goed witter.

Maak jou telefoon se instrument ook gereeld skoon.

Uie kan opgekap en gevries word. Dan word slegs die benodigde hoeveelheid elke keer afgebreek.

Lede moes ook die tydelike borsprosteses wat hulle in verskillende groottes moes maak, inhandig. Dit gaan geskenk word aan vroue wat ‘n bors verloor het a.g.v. kanker.