Posted on
22 February 2012
Sirkel: Tygerberg
Tak: Goodwood
Studierigting: Landbou en Tuinbou
Beriggewer: Alet Colyn
Datum: 21 Februarie 2012
Tydens Goodwood se Landbouvergadering het Antoinette le Roux, 'n lid van Panorama tak en ook 'n Opvoedkundige Beampte by Tygerberg Voëlklub, die lede kom inlig oor die migrasie van voëls. Jy kry trekvoëls, hulle trek weg en kom weer terug; standvoëls trek nie weg nie en endemiese voëls is voëls wat net in sekere areas voorkom.
Sy het vertel van die "rekordhouer", nl. die Arktiese Sterretjie. Hy vlieg die verste van alle voëls - vanaf die Arktiese broeiplekke na Australië en Antarktika. Een Sterretjie is gering in Engeland en 3 maande nadat hy die nes verlaat het, is hy 22 000 km verder in Melbourne, Australië gevang. Daar word gereken dat die Bandstertgriet die langste, ononderbroke vlug oor die Stille Oseaan kan onderneem, 10 000 km sonder om te rus oor die oop see.
LNR Joey Redelinghuys, Antoinette le Roux (spreker) en Karin Marais (sameroeper).